महाराष्ट्र सदनाच्या बांधकामात घोटाळ्याचे आरोप असलेले राज्याचे माजी सार्वजनिक बांधकाममंत्री छगन भुजबळ यांच्यासह मुलगा पंकज आणि पुतण्या समीर यांच्या मुंबई, ठाणे, पुणे आणि नाशिक इथल्या घरांवर, बंगल्यांवर आणि कार्यालयांवर आज लाचलुचपत प्रतिबंधक विभागाने छापे टाकले आहेत. या धाडी कुठे-कुठे टाकल्यात, त्याची यादी 'एसीबी'नं प्रसिद्ध केली आहे. तिच्यावर नजर टाकल्यास भुजबळ कुटुंबाचे 'बंगलेच बंगले चहुकडे' असल्याचं दिसतं. ही घरं - बंगले यांची किंमत शेकडो कोटींच्या घरात जाते.
'एसीबी'नं दिलेली ही यादी पाहा आणि गणित मांडाः
मुंबईत टाकलेल्या धाडी
१. सुखदा, फ्लॅट नंबर १९०१, वरळी
२. मिलेशिया अपार्टमेंट, फ्लॅट १७/१८, माझगाव
३. माणेक महल, पाचवा मजला, चर्चगेट
४. माणेक महल, सातवा मजला, चर्चगेट
५. सागर मंदिर सोसायटी, माहिम
६. साई कुंज, फ्लॅट नंबर ४ आणि ७, दादर-पूर्व
७. सॉलिटेअर बिल्डिंग, सातवा मजला, सांताक्रूझ-पश्चिम
ठाण्यातील प्रॉपर्टी
१. लाजवंती बंगला, प्लॉट नं. ४६, पारसिक हिल, ठाणे
२. मारुती पॅराडाइज, एव्हरेस्ट सोसायटी, प्लॉट नं. २९, सीबीडी बेलापूर आणि फ्लॅट नं. ५०२, ६१२, १० ९०९, ७, ५०३, १०५, ५०१, १५, १७, १८, ४३ नवी मुंबई (शॉप्स आणि फ्लॅट)
नाशिकमधील प्रॉपर्टी
१. चांदराई बंगला, भुजबळ फार्म, नाशिक
२. भुजबळ पॅलेस, भुजबळ फार्म, नाशिक
३. येवला येथील बंगला आणि ऑफिस
४. मनमाडमधील बंगला आणि ऑफिस
५. राम बंगला, भुजबळ फार्म, नाशिक
पुण्यातील मालमत्ता
१. लोणावळा येथील बंगला, हेलिपॅडसह आणि ६५ एकर जमीन
२. फ्लॅट नं. २०८, ग्राफिकॉन आर्केड, संगमवाडी, पुणे
दरम्यान, एसबीनं आज केलेली कारवाई ही फक्त २५ टक्केच आहे, अजून ७५ टक्के छापे बाकीच आहेत, असा दावा भाजप खासदार किरीट सोमय्या यांनी केला आहे. भुजबळांची परराज्यांमध्ये आणि बेनामी मालमत्ताही प्रचंड असल्याचं त्यांनी सांगितलं आणि त्याबाबतचे पुरावे एसीबीकडे दिल्याचंही स्पष्ट केलं. राष्ट्रवादीचे प्रदेशाध्यक्ष सुनील तटकरे यांच्याविरोधातही एसीबीला ठोस पुरावे दिल्याचं ते म्हणाले. त्यामुळे पुढच्या काही दिवसांत राज्याच्या राजकारणात मोठा भूकंप होऊ शकतो.
No comments:
Post a Comment